Faa'iidooyinka iyo khasaaraha robots ka.

Faa'iidooyinka Robot ka:

Waxaa jira Faa'iidooyin badan oo ku jira robotska oo ay ka mid yihiin kuwa soo socda:

Waqti iyo lacag badbaadin

Isticmaalka robotsku waxay badbaadisaa waqti; Sababtoo ah saxnaanta shaqadooda owgeed waxay awoodaan inay dhamaystiraan hawlaha, kordhiyaan wax soo saarka, yareeyaan alaabta qashinka ah.Robotyadu waxay sidoo kale badbaadiyaan lacagaha shirkadaha; Iyadoo loo marayo soo celinta degdega ah ee maalgashiga, hoos u dhigista qiimaha alaabta, dhaawacyada shaqaalaha, iyo saacadaha shaqada ee dheeraadka ah, maadaama robots ay si joogto ah ugu shaqeeyaan kharashka dayactirka kaliya ka dib soo iibsashada.

Kordhinta Wax soo saarka

Robots ku waxay kordhiyaan wax soo saarka; Waxay awoodaan inay ku shaqeeyaan xawaare joogto ah, iyo wakhti joogta ah iyada oo aan loo baahnayn waqtiyo nasasho ama fasaxyo, taas oo ay sii dheer tahay in isticmaalkoodu yareynayo suurtagalnimada qaladka, waxayna ku celin karaan shaqada iyaga oo aan caajisin, sidaas darteed wax soo saarkoodu waa mid tiro badan iyo tayo sare leh muddo gaaban gudaheed.

Saxnimada ficilka

Robots-yadu aad bay ugu fiican yihiin shaqadooda; iyaga oo ku shaqeeya xawaare joogto ah maalintii oo dhan, sidoo kale iyaga oo aan lumin xamaasadooda shaqada, marka lagu daro ku celcelinta hawlaha iyaga oo aan caajisin, iyaga oo loo sameeyey dhaqdhaqaaq sax ah oo soo noqnoqda, iyaga oo aan khaladaad samayn, sidaas darteed robots ka yaryar ayaa loo isticmaalaa si loo fuliyo hawlo adag iyo shaqooyinka soo noqnoqda.

Ka ilaalinta bini'aadamka inay qabtaan hawlo khatar ah

Maadaama ay robots-ku awood u leeyihiin inay ku shaqeeyaan deegaanno aan ammaan u ahayn bini'aadamka; sida warshadaha nukliyeerka, la tacaalida kiimikada sunta ah, marka lagu daro ku shaqeynta xaaladaha xun; sida iftiin xumo, iyo meelo cidhiidhi ah; Sidaa darteed isticmaalka robotska awgeed, waxaa yaraaday shilalkii, sidoo kale waxaa kordhay badbaadadii shaqaalaha.

Dabacsanaan

robots-ku waxay ku shaqayn karaan dhammaan xaalada kala duwan ee cimilada, iyaga oo sidoo kale awood u leh inay dhamaystiraan hawlaha badanaa wax kasta oo ay yihiin.

joogtayn

Robots ku waa mid ay nidaamsantahay shaqadoodu, kumana xidhna cid kale Shaqadoodu, umana baahna inay dhawr arrimood u qaybiyaan, maadaama aanay joojinayn ilaa inta ay shaqadu ka dhammaato.

Cilladaha Robot ka:

Waxaa jira dhowr cilladood oo ku yimaada robots ka, oo ay ku jiraan kuwan soo socda:

Shaqo la'aanta oo korodhay

Isticmaalka robots-yada waxa laga yaabaa inay horseeddo kororka heerka shaqo la'aanta ee meelaha qaarkood, taas oo ay sabab u tahay ka kaaftoomida shaqada bini'aadamka robots-ka dartood.

Qiimaha iibka

Isticmaalka robots-ku waxay keenaysaa kharash badan bilowga hore ee soo iibsashada iyo dayactirka, marka lagu daro kharashka Programmingka iyo qaybaha kale ee dheeraadka ah ee uu baahanyahay. 

waayo-aragnimo la'aan

In kasta oo Robots-yadu gaar la tahay garaadka macmalka ah, haddana lama barbar dhigi karo garaadka bini’aadamka, maadaama aanay awood u lahayn inay qabtaan ama horumariyaan hawlo kale oo ka baxsan barnaamijyadii hore loogu qorsheeyey, maadaama aanay lahayn maskax adag oo ka caawisa inay fikiraan. sidaa darteed aadanuhu had iyo jeer waa laga door bidaa robots-yada si looga meel gaaro xaalado lama filaan ah. 

isticmaalka robots ka:

Robots-ka waxa loo isticmaali karaa dhawr qaybood, oo ay ku jiraan kuwan soo socda: 

Qaybta warshadaha

Robot-kii ugu horreeyay ee warshadeed ayaa loo adeegsaday in lagu xakameeyo qaybaha kulul ee warshadaha baabuurta, kuwaas oo khatar ku ah bini’aadamka.

Qaybta caafimaadka

Halka ay robots-ku sameeyaan qalliin, gacan ka geystaan ​​baxnaaninta, si toos ah uga nadiifiyaan jeermiska qolalka isbitaalka, iyo hawlo kale.

Ganacsiga Guriga 

Robots ayaa loo isticmaalaa in lagu nadiifiyo sagxadaha guriga, iyo in lagu gooyo laguna simo cowska dheeraadka ah ee beerta guriga.

Isticmaalka guud

Halka robot-yada loo isticmaalo dhaqida baabuurta, kamaradaha xawaaraha, nalalka cascas, albaabada otomaatiga ah, iyo wiishashka iwm.

WQ: Mo Athem